milap singh bharmouri

milap singh bharmouri

Monday, 21 August 2017

फेक आई डी

भूती गाणा इंऐं फेक आई डी वाले।
दस दस अक्की जिने बनाई थैउरी।

ऐ मते जिन निन, हिन पंज सत जिन
जिंए पूरे गद्दी री निंद्र उडाई थैउरी।

बडे पढे -लिखे ऐ समजदे अप्पू जो
भंगिए ते पैग्गिए जुंडली बनाई थैउरी।

बनी बैखूरे ऐ बडे राजनीति रे माहिर
अपनी अकली जो कुंडी लाई थैउरी।

चिमडी गच्छूरे बस अक्की री पचौरी
बदनाम करने री कसम इंऐ खाई थैउरी।

सुधरी गच्छा फेक आई डी वालेओ
के अमरसिरा री पर्ची पैले कटाई थैउरी।

लगदा सर्जरी भी तुंदे न कम इंनीआ
अपने मिंजू मा इनी बिमारी पाई थैउरी।

  ......... मिलाप सिंह भरमौरी

   ।जय हो भाईचारा। जय मणिमहेश।

No comments:

Post a comment