inda bharmour

chourasi temple : bharmour

लानी करा असू 
ठार कोई ओर
सबी तोउ प्यारा हा 
इन्दा भरमौर

मंदरा री घंटी हुनी
इठी सूरज उग्दा
आरती तोउ बाद होर
कारोबार चलदा

ना रुआ रा परा इठी
ना मना री उजाड़
मनु साफदिल इठी
जियां हिउंया रे पहाड़

चौरासी माँ संजा जैने
पैरा जो रखदे
सो पल तैने जिंया 
स्वर्गा सांई लगदे 

लानी करा असू 
ठार कोई ओर
सबी तोउ प्यारा हा 
इन्दा भरमौर


milap singh bharmouri


* gaddi boli himachal pradesh ki ek janjati ki boli hai

तुजो ताऊ भादर णा कोई मुलना पाला

pala gaddi : bharmour culture

घिरी फिरि भोंये 
तुसे सब जग उटाला
पर तुजो ताऊ भादर
णा कोई मुलना पाला 

दुनिया सब
 अपने घरा मंज सोन्दी 
तुजो रात रोज नोए 
नलु -खोलू मा भोंदी

बरसती मा जने मनु 
घरे मोज म्नांदे 
अपने डेरे मा तुसे तन्हे
खुले अम्बरा मा न्हांदे

दिन -राती भुन्दा तुजो 
अक नोया पारा
कदी बूटे रा ते कदी 
फसला रा उजाड़ा

ऐ होंदा रा हीन 
ते बरसाले  री झड़ी 
तुजो कटेरी भी
 लगदी णा अड़ी

बेशक मनुए बड़े 
ट्रक-बस बनाये
पर तेई ता नेल -पहाड़ 
पैरा सोगी गए 

घिरी फिरि भोंये 
तुसे सब जग उटाला
पर तुजो ताऊ भादर
णा कोई मुलना पाला 

milap singh bharmouri


ye kavita gaddi boli me likhi gayi hai.gaddi boli ko bhrmouri boli ke na

चल मणिमेषा जो

mnimahesh yatra :bahrmour chourasi temple

चल मणिमेषा जो

के लगगीयां जात्रा हो

चल भारमौरा जो 

के लगगीयां जात्रा हो

सुपने मा आई राती माता भरमानी

हत्था मंज लेया ठंडा  कुफरी रा पानी

हो कर न तू आनाकानी

के लगगीयां जात्रा हो

नौन मनिमेषा रा नेड़े -नेड़े आया

ऐस बारी इने रा मन भी बनाया

ओ कठी इंये न तू रही जायां

के लगगीयां जात्रा हो

दुखा वाले मुक्के दिन सुखा वाले चलने

मना मा जो चाया ओ सब कुछ मिलने

ओ फुल किस्मत वाले खिलने

के लगगीयां जात्रा हो

चल मणिमेषा जो

 के लगगीयां जात्रा हो

चल भारमौरा जो 

के लगगीयां जात्रा हो

……milap singh bharmouri

ढौल भी बजदा

bharmani mata temple : bharmour

ढौल भी बजदा
पौण भी बजदी
बजदी आ  घड़े पुर थाली हो 
शिवा रेयो वन्दयो जयकारे ला
माता मनानी मुराली हो

पित्र धयौरे 
पुरख धयौरे
धामुरी माता भरमानी हो
अंगे -संगे हिन् 
चौरासी देवते 
लायुरा नमाला 
भायली हो

त्रिशूल भी सजदी 
हुंगल भी सजदा 
सजदा ऐ सालू सिंदूरी हो
सन्दे -सन्दे इंये
मुराली माता 
गंडीया धुखौरा पहाड़ी हो

ढौल भी बजदा
पौण भी बजदी
बजदी आ  घड़े पुर थाली हो 
शिवा रेयो वन्दयो जयकारे ला
माता मनानी मुराली हो

.......milap singh bharmouri

लगूरी ने जात्रा ते

लगूरी  ने जात्रा ते
 चलुरे  ने नौनीये 

कठी  हिन् तुसे मेरे
 धुडू  हिन् तोपदे 

डला  मा  नैइन्दे  मनु
 शिव -शिव बोलदे

धुडू  भी ने सुख्खा रे
 खजाने तियां  जो खोलदे

सीरदा  ऐ  धेड़ा  जैने 
डला  पुर मन डोल्दे  

हेरी करी ता हेरा तुसे
पल्ला तियां  अनमोल दे


.......... milap singh bharmouri

chourasi temple : bharmour

जन्म धैयाडा कृष्णा रा अज

जन्म धैयाडा कृष्णा रा अज

चला-चुल्ली पुर कडाटी चडांदे

चोला - डोरा लाई करी फीरी

असे भयाली मा फराटी लांदे

Janm dheyada krishna ra Aaj

Chla -chulli pur kdati chadande

Chola - dora lai kari firi

Ase bhyali ma frati lagande

....Sabi jo janamasthmi ri mubarak....

.....milap singh bharmouri

रूपैया ता गो हा

रूपैया ता गो हा
तरूटुऐ मंजोले
इंदे नेते भरी ले
अपने झौले
ऐवे कामे मनुओ
चरखा चला
सब लीरा - टल्ला
स्वदेशी ला
इस बीजतौने रपैये री
इज्जत बचा

Rupeya ta go ha
Trutuye mnjole
Inde nete ta bhri le
Apne jhole
Eve kame manuo
Charkha chla
Sb lira -talla
Svadeshi la
Is bijtone rupeiye ri
Ijjat bacha

.....milap singh bharmouri

इस रपैये री कीमत

ऐ सब बडे FDI, FDI करदे थीऐ

ऐ बडे  wallmart  नचांदे थीऐ


घुँई गाना अपने रपैये वदेशां मंज

इस सरकारा जो भी समझांदे थीऐ


पर मजदूरा री कठी मनदे थीऐ ऐ

अप्पू ही अर्थशास्तरी बनदे थीऐ ऐ


बनदे थीऐ ता फीरी ललकारा भाईयो

इस रपैये री कीमत संभाला भाईयो




.....milap singh bharmouri

चली इंये वो जनानिये

bharmour valley

चली इंये  वो जनानिये  हौरेडी जो
रखडी  भछूरे  भुई अज धैडी  दो

महीने री  स्कीम  ता ना लाई  लैयी   
काला महीना ता भुन्दा नोई भयाई जो 

रोज भेग्गा  काँ  -काँ  करदा ऐ  का
नडे  लाई  कोई उड़ा  ऐस  वैरी जो

बल्लू ता थु ही मुंजो तेंयी  इने जो
अज कुन वैरी फिरि तुजो नैरी गो 

चली इंये  वो जनानिये  हौरेडी जो
रखडी  भछूरे  भुई अज धैडी  दो


……… मिलाप सिंह भरमौरी


नडे - पत्थर , ही - पिछले कल , नैरी गो - मना करना 

जिन्दगी बसदी हा पहाडा मंज

bharmour : chamba district

जिन्दगी  बसदी   हा  पहाडा   मंज 

हौदर ता हा बस  हुन  - हुनात 

अंदर तांउ ने बस   केले - मकेले  

बाहरा मिते   हा भोंये मनु री  बारात

चिडू - पखेरू री  चीं  - चीं  हुन्दे 

जने भी अपने ग्रां  मा  इन्दे 

इठी  ता शेहरा मा  कुजीन हा अपना

हर कनारी हा गड्डी  रा घन - घनात 

स्वर्गा सांई  इठी  दयारा  री छाँई

अमृत सांई  हा तेरा ठंडा पानी

तौले -तौले अप्पू बले हद भरमौरा 

एत  ता पसीने मा  हा घच - घचात 

जिन्दगी  बसदी   हा  पहाडा   मंज 

हौदर ता हा बस  हुन  - हुनात 

अंदर तांउ ने बस   केले - मकेले  

बाहरा मिते   हा भोंये मनु री  बारात

……… मिलाप सिंह भरमौरी