बूड्ढा बेचारा
केला धना जो चारा
पुत्र फिरी भी बलदा नकारा
केले डाकदा नाला खौला मा
रित हौंद भौआ या बरसाला
बैला सांए गिरदा अरो परो
पुत्र फिरी भी कजो लगदा प्यारा
ठगने पुट्ठी बैखी शूरा बुड्ढे जो
बलदा पैउ अज्ज ऐ पाडा
अज्ज ओ पाडा
कतूने धैडे चलली अक्की री कमाई
जे सब्ब बेची छड्डी ता फिरी के खाना
जे होर कम्म निंआ ता
मिंआ धना जो ही चारी लै
बूड्ढे जो थोडा जीना भूची गल्ला सहारा
धना चारदे इज्जत न घटदी
पर बडा बुरा भुंदा ठग बठग्गी रा लारा
........ मिलाप सिंह भरमौरी