होली धर्मशाला

अक्क बडी जरूरत हा सडका री
जरा हुना ता गल्ल मेरी बडका जी
होली तांऊ धर्मशाला जो बनाई देआ जी
जरा मुक्का ता परेशानी बरखा री

चम्बे तांऊ भरमौउरा ता
तुसे हेरूरा हा हाल
इँऐ प्रोजेक्टा वाले
के करी छडूरा हाल

सडका तिकर ता ईची पुजूरा पानी
अबे भगवान भरौसे हा मनु री जान
जे जोरा री पेई गच्छा बरखा री फांड
दरिया मंज गई समझा सडका री हांड
कोई करा ईलाज जैडा चिमडू हा घांड

ईलाज ऐईए अबे
अक्क वैकल्पिक सडक बनाई देआ
जैडी बेला सबेला भरमौऊरा जो
होरी ठारी सोगी मेली देआ

बडी पुरानी मांग हा मनु री
होली तांऊ धर्मशाला जो सडक बनाई देआ
इतना पैसा लाऊ कपदे ने प्रोजेक्टा पुर
थोडा जिना सडका रे नां पुर लाई देआ

     .............. मिलाप सिंह भरमौरी