milap singh bharmouri

milap singh bharmouri

Tuesday, 24 May 2016

नणैली रा ग्रां

नणैल भुंदा हा प्यारा
------------------------

नणैल भुंदा हा सब्बी जो प्यारा,
निक्का भोआ जां भोआ स्याना !

छुट्टी पैणे जो महीना भुंदा हा,
निक्के बलदे ने नणैला जो गाणा !

भुंदे नन्नू -नन्नी जो बडे ही प्यारे,
ध्योत्रू ध्योत्री जो चा सोगी खोआना !

मुली इना मियों जिंदे स्याने सोगी,
फिरी न इंदा फीरी वक्त पुराना !

          ....... मिलाप सिंह भरमौरी




Monday, 25 April 2016

केलंगा रा मंदर

बदलाब जरूरी हा
टैमा सोगी
झीकी रैणा
बनाई दिंदा हा रोगी

मनु भोआ जां
रीती रिवाज
सब्बी जो लाई लैना
चिंदा टैमा रा साब

अक्क बडी पुरानी
रीत हा इंदी
हल्ले तांई भी
हा पूरी सो जिंदी
केलंगा ते भोआरी रे
मंदरा मंज
जनानी न कोई
इंदे समाजा री गंदी

मुंजो ता लगदा
अबे टैम चली आ
ऐस बडी पुरानी
रिता जो मुका
मना चिता सोगी
करदी पूजा जनानी
इंआ जो बी मंदरा मां
पूरा हक देआ

घरे बी सोचा
के भुंदा हा
संज भुंदे ही
मर्द लाई लैंदे घुटकू
फिरी राग लाई थैंदी
मरदा जो जनानी
धूप धुखा ,धूप धुखा
पर किंआ धुखान
लाई के लैउरा भुंदा घुटकू

..... मिलाप सिंह भरमौरी

Monday, 16 November 2015

धना रा धंदा

सब्बी तांऊ करडा
कम हा इंदा
सुखल्ला निआ ऐ
धना रा धंदा

धैडी राती वना मा रैणा
हौंदा रा हीत
हंसी करी सैणा
बरखा झडी री
परवाह न करदे
रिख वराग भी
असू तांऊ डरदे

पैरा सोगी गाई दिंदे
पहाड मैदान
गद्दी तांऊ होर न
ईठी कोई महान

...... मिलाप सिंह भरमौरी

Saturday, 7 November 2015

समाजा रा सेवक

नेता ही न करदे
सेवा समाजा री
रैना देआ छड्डा
नेता बनने रे खावा जी

भगवाना रा दर्जा 
दिंदा समाज डाक्टरा जो
बुरे टैमा मंज दस्दा
चनना रास्ता सो

डाक्टरा तांऊ मोटा
भला कुन समाजा रा सेवक
जेडा मुर्दे मंज भी पाई दिंदा
जीने री फुक

मोट्टे मोट्टे नेता भी
डाक्टरा अग्गू रूंदे
डाक्टरा अग्गू लमे पैणे जो
बेबस भुंदे

अक्क सरकारी मास्टर भी
भुंदा समाजा रा सेवक
जे भोआ तेसा मंज
सेवा करने री निअत

तेस बले हा गरीब बच्चे री
सेवा करने रा मौका
जिनी पढी लिखी करी लाना
तरक्की रा चौका

तै घट न भुंदी तन्खा
डाक्टरा मास्टरा री
लख्खा तिकर पुजदे डाक्टर
सत्तर पच्तर तांई मास्टर
जै सई तरीके करन कम
ता सोईऐ भुंदे असली सेवक
फिरी भी जे सो नेता बनना चांदे
मुंजो ता लगदा 
सो अपना ही घर भरना चांदे

........ मिलाप सिंह भरमौरी

धना रा डेरा

धना रा डेरा
आगी रा घैणा
तम्बाकू री चिलम
तै बापु स्याना l

कौदरे री पिंदडी
सुखल्ली जिंदडी
दुदा रे कटोरे मा
रोटी मिंदनी l

दरीक सरीक
सब प्यारे
पता न अज्ज सो
करा गे धैडे l

..... मिलाप सिंह भरमौरी

Friday, 25 September 2015

सडक

बडी पुरानी गल हा
निके जिने असे भुंदे थिए
धना रे डेरे बैखी करी रेडिए पुर
असे खबरा हुनदे थिए
होली तांऊ धर्मशाला जो सडक बननी हा
हुनी करी बडे खुश भुंदे थिए

अबे ना रैह सो रेडिए
ना रैह सो ध्याडे
अबे बाल भी चिट्टे लगी पै भूना
पर हल्ले तांई सो सडक ना बनी
दस्सा भला असू
कस्स अग्गू रूणा

बडे बडे बदलाव भुची गे
सैटेलाइट इंदे मंगला पुर पुजी गे
होर भी अरो परो
कुतूने प्रोजेक्ट बनी गे
पर हल्ले भाईयो सडक ना बनी
किंया करी असु मरना जली

अक पीढी ता मुकी गई
अबे ता सडक बनाई देआ
बडी पुरानी डिमांड हा मनु री
अबे ता कम्म कराई देआ

           ......... मिलाप सिंह भरमौरी

Wednesday, 23 September 2015

होली धर्मशाला

अक्क बडी जरूरत हा सडका री
जरा हुना ता गल्ल मेरी बडका जी
होली तांऊ धर्मशाला जो बनाई देआ जी
जरा मुक्का ता परेशानी बरखा री

चम्बे तांऊ भरमौउरा ता
तुसे हेरूरा हा हाल
इँऐ प्रोजेक्टा वाले
के करी छडूरा हाल

सडका तिकर ता ईची पुजूरा पानी
अबे भगवान भरौसे हा मनु री जान
जे जोरा री पेई गच्छा बरखा री फांड
दरिया मंज गई समझा सडका री हांड
कोई करा ईलाज जैडा चिमडू हा घांड

ईलाज ऐईए अबे
अक्क वैकल्पिक सडक बनाई देआ
जैडी बेला सबेला भरमौऊरा जो
होरी ठारी सोगी मेली देआ

बडी पुरानी मांग हा मनु री
होली तांऊ धर्मशाला जो सडक बनाई देआ
इतना पैसा लाऊ कपदे ने प्रोजेक्टा पुर
थोडा जिना सडका रे नां पुर लाई देआ

     .............. मिलाप सिंह भरमौरी