milap singh bharmouri

milap singh bharmouri

Wednesday, 14 January 2015

पिट्ठ परोही

इन्ने  मनु  तांउ  झट्ट  करी के
अपना   दोस्त  तु रिश्ता तरोड
जेडे मुंहा पुट्ठी  हिक्का रे बनदे
पिट्ठ  परोही   करदे  चर्चा होर

     ----- मिलाप सिंह भरमौरी

Tuesday, 13 January 2015

लोहडी री मुबारक

जवाना री भुंदिआ भाइयो ऐ लोहडी
बुड्ढे बेचारे किंया खान रियोडी

नुहा ता चली गई पिओके जो
ते पुत्र भी चली गै तिंआरी पिचौरी

आग न जलदी सिन्नी छिडी सोगी
परात चुकाई करी बुड्डिऐ फकौडी

जे इज्जत भुल्ली दिला मा बुजुर्गा तांए
तांए जचनी आ भाईयो ऐ लोहडी

     ------ मिलाप सिंह भरमौरी

Saturday, 27 December 2014

मसे बचे प्राण

सिद्दे रा भुंदा नराण वो भाईया
अज्ज मुलू हा ज्ञान वो भाईया
पैडी ताऊं ओसदे लुडी पैऊ थू
मसे बचे हिन प्राण वो भाईया

      ---मिलाप सिंह भरमौरी

Thursday, 18 December 2014

तरडियां पुटदे

तरडियां पुटदे
@@@@@@

कल बडी भरी
रुचुआं बरखा पैई
चुकी लै कुदालू ते
बेलचा कैई

चल भैठी जाई के
तरडियां पुटदे
होंदी नी सब्जी कोई
इसदे जैई

बिना पैसे तो
मिली जांदी ऐ
फैदे भी होंदे
इसदे कई

बडी निरोगी होंदीए ऐह
स्वाद भी लगदा
मीटे सेंई

कल ढावा पुर
दिखी थी इक बेल पुरानी
जोर बी ज्यादा
लगना नैई

----मिलाप सिंह भरमौरी

Monday, 15 December 2014

हिंउआ रे ढेर

ढेर लगी गे हिंयूआ रे
ही ही अंम्बरे करू कमाल

चांदी ए चांदी हुजदा सारे
सेओ भूने खरे ऐस साल

भित्त चढाई चुल भखाई
रखी लेयू नेडे हुंगरी रा थाल

देसी रे पैगा पुर पैग बनाए
भजी तरुटी गे फिरी गमा रे डाल

---- मिलाप सिंह भरमौरी

Thursday, 20 November 2014

करी लैउ घा

करी लैऊ घा मैई
बेला तै बसूटी वाला
खैईर ते कैंईथ
गरने रे जाडा वाला
इस बारी हौद
बदिया नकैई गाणा

खुल्ले ने वन
बूटे री उजाड निया
पाल वी अपना
डाकने जो हौ बियां

बंज्जा री वल्ली पुर
टपरी बनाई लैनी
फौजी वाली उप्पर
तरपाल पाई लैनी

धने मेरे ऐस बारी
शीसे सांई लिश्कना
भेडा मेरी हेरी करी
सब्बी जिने हिरखना

---- मिलाप सिंह भरमौरी

Sunday, 16 November 2014

निकू शुकू वाला

निकू शुकू वाले मणू जे भाईयो
हथ पान सकूले पढदी कुली जो
इने जिने मनू रा धर्म इमाम
समझि लेया सब कुछ चिक्का मा रुली गो

सो मणु न रेऊरा , भूत बनी गछूरा
भंग शराब तसेरे खूना मंज रली गछूरा
न दीनी चैंईधी कसी जो तसेरी धडैईत
काला मुंह करी करनी चैंईधी शितर परैड

भैउरे मणु जने ऐरा उरा मुंह मारदे
बसुरा बसूरा कसी रा घर उजाडदे
चुप न रैहना चैंईदा तनै गरां वाले जो
विरोध करना तनै मिली करी सबी जो

इन्हें जिन्हे मणु दुश्मन ने समाजा रे
कोई भी भुची सकदा ईंयारा शिकार
हुक्का पानी बंद करी करी ईया जो
पैणी चैंइदी वरादरी तांऊ लताड

        ------- मिलाप सिंह भरमौरी