मसे बचे प्राण

सिद्दे रा भुंदा नराण वो भाईया
अज्ज मुलू हा ज्ञान वो भाईया
पैडी ताऊं ओसदे लुडी पैऊ थू
मसे बचे हिन प्राण वो भाईया

      ---मिलाप सिंह भरमौरी

तरडियां पुटदे

तरडियां पुटदे
@@@@@@

कल बडी भरी
रुचुआं बरखा पैई
चुकी लै कुदालू ते
बेलचा कैई

चल भैठी जाई के
तरडियां पुटदे
होंदी नी सब्जी कोई
इसदे जैई

बिना पैसे तो
मिली जांदी ऐ
फैदे भी होंदे
इसदे कई

बडी निरोगी होंदीए ऐह
स्वाद भी लगदा
मीटे सेंई

कल ढावा पुर
दिखी थी इक बेल पुरानी
जोर बी ज्यादा
लगना नैई

----मिलाप सिंह भरमौरी

हिंउआ रे ढेर

ढेर लगी गे हिंयूआ रे
ही ही अंम्बरे करू कमाल

चांदी ए चांदी हुजदा सारे
सेओ भूने खरे ऐस साल

भित्त चढाई चुल भखाई
रखी लेयू नेडे हुंगरी रा थाल

देसी रे पैगा पुर पैग बनाए
भजी तरुटी गे फिरी गमा रे डाल

---- मिलाप सिंह भरमौरी

करी लैउ घा

करी लैऊ घा मैई
बेला तै बसूटी वाला
खैईर ते कैंईथ
गरने रे जाडा वाला
इस बारी हौद
बदिया नकैई गाणा

खुल्ले ने वन
बूटे री उजाड निया
पाल वी अपना
डाकने जो हौ बियां

बंज्जा री वल्ली पुर
टपरी बनाई लैनी
फौजी वाली उप्पर
तरपाल पाई लैनी

धने मेरे ऐस बारी
शीसे सांई लिश्कना
भेडा मेरी हेरी करी
सब्बी जिने हिरखना

---- मिलाप सिंह भरमौरी

निकू शुकू वाला

निकू शुकू वाले मणू जे भाईयो
हथ पान सकूले पढदी कुली जो
इने जिने मनू रा धर्म इमाम
समझि लेया सब कुछ चिक्का मा रुली गो

सो मणु न रेऊरा , भूत बनी गछूरा
भंग शराब तसेरे खूना मंज रली गछूरा
न दीनी चैंईधी कसी जो तसेरी धडैईत
काला मुंह करी करनी चैंईधी शितर परैड

भैउरे मणु जने ऐरा उरा मुंह मारदे
बसुरा बसूरा कसी रा घर उजाडदे
चुप न रैहना चैंईदा तनै गरां वाले जो
विरोध करना तनै मिली करी सबी जो

इन्हें जिन्हे मणु दुश्मन ने समाजा रे
कोई भी भुची सकदा ईंयारा शिकार
हुक्का पानी बंद करी करी ईया जो
पैणी चैंइदी वरादरी तांऊ लताड

        ------- मिलाप सिंह भरमौरी

हिंयू री रित

अंदर गरडू बार रजाई
हौंदा री ठंडी रित चली आई
हिंयू री खला मंज गन्नी लगनी
वना तांऊ गिची करी लेई इंदे जंगनी

द्रीली भुज्जी भुज्जी चा सोगी खानी
घंडौली री तिल्ली तै कुकडी भुजानी
ठारी ठारी पुर भाईयो टन्ननन जे लगनी
फिरी जमी गाना नलके रा बगदा पानी

     ------ मिलाप सिंह भरमौरी

Bharmoura ri jatra

भरमौरा री जात्रा
@@@@@@@@

जात्रा  हेरी  पर  होर  जिनि  थी  वजा
भीड  ता  मती  थी  पर  मजा  ना  आ
चोले  डोरे  वाले ता बडे  ही  घट  थीए
कजो  करना लगूरे  कल्चरा सोगी दगा

----------- मिलाप सिंह भरमौरी