milap singh bharmouri

milap singh bharmouri

Monday, 23 December 2013

Sunday, 17 November 2013

हौंदा री रित आई

हौंदा  री  रित  आई 
ठंड बड़ी लगदी 
अक  बारी   बैखी  गे 
फिरि चुल्ल न छडदी  

नलके रे पानी  सोगी  
हथ्थ न लगदा 
भैगा  जंगला जो गंदे 
पूरा शरीर कमदा 

हथ्थ मुह धोई लैंदे  
छड़ी दिता नेइना  
शिडी रे बगैर भइओ 
किंया करी   जीना 

लैण्टरे  पवाडा   पौ  
नते निग्गी  थी  मंडई   
हिरखा- हिरखा मंज 
अज्ज कड़ी भी न रैयी 

लकड़ी रे मकान पर
अज्ज पाने भी किंया 
भित - दारी  बनाने जो ता
ईठी  मुल्दी  निआ 



................मिलाप सिंह भरमौरी 


Friday, 25 October 2013

सिद्धे मनु जो ना

सिद्धे मनु जो ना  कदी  धुखा  
सिद्धे मनु री  बुरी आ हा 

खांदे - पिन्दे  मस्त गुजारदेयो  
अपनी जून न नरक  बना 

चंटा  वले भुन हओउ  चालाकी
सिद्धे रा रिश्ता सिद्धा  उप्पर हा 

 मोड़ बनू न भरमौर मंत्री न पुर
सुन्कु रा न मीला  रे नडा  पुर हा


...............मिलाप सिंह भरमौरी 


Sunday, 20 October 2013

bharmour bachao

ओलो बचा कोई
 इन्या पहाडा  जो 
मनु गोरु सांय 
 पैउरे उजड़ा जो

खुर्ची- खुर्ची
 खनी-खनी करी 
पोली करी थैयी 
टेरी  बीड़ा
जड़ी -बूटी रुख बूटे
  डुबोई दिते
कुन समझा
 बेजुबाना   री  पीड़ा 

जगह जगह वन्नी थैउ 
चलदा पानी
भार  बधाई दित्ता धरती रा 
रची रची पानीये 
पहाडा  गारा बनाई  दिता 
बड़ा नुकसान भूना  
इस मनमर्जी रा

ऐह  डेवेलपमेंट नई  देशा  री 
ऐह  जड  पुटाना  लाउरिया  प्रदेशा री 
कोई पुच्छा  प्रोजेक्टा   वाले  जो 
बद्रीनाथ  भी तुसे बनाये थिए
खतरनाक जियाँ  वाटर बम्ब 
इने जीने डैम चिनाये थिए 



.......milap singh bharmouri

Friday, 11 October 2013

रंग -बरंगे ने झंडे


chourasi temple : bharmour





 हर हर महादेव 
( गद्दी बोली में )

छैल   कोई हा मते ने गंदे
इठी  रंग -बरंगे ने झंडे 

जेड़ा  गल्ल  हुना  सोगी चला
असू तेजो ही दिने ने  कंधे 

एवे  इने वाला वोट रा टैम 
एवे  सब्बी  ऐ  करने छंदे  

गद्दी रे बारे फिरि  गल न भून्दी 
झिकी गंदे नेते पार्टी थल्ले

तियां सोगी न भाईओ  दगा कमा 
जंयारी  दितुरी रोटी खन्दे 

नमाले , जागरे, तिथ्थी न  छडनी
इठी  चलौरा बाबे  धर्मा  रे धंदे


................मिलाप सिंह भरमौरी 

Monday, 16 September 2013

सैर मुबारक !

कियां  करी दस्सू
तुसू  जो वो सखियों 
जली गो दिला  मंज
 हा जेडा  दुःख
लाडा  मुलु हा
ईना  जिना  जलबौना 
जेजो हैरी - मघैरी  रा
पता न कुछ 


हैरी री  सब्बी  दोस्ता  जो बड़ी -बड़ी मुबारक !

सैर मुबारक !

मिलाप सिंह भरमौरी 

Tuesday, 10 September 2013

हिमाचली टोपी

himachali topi


















अंजान  मनु मंज सो पहचान बनान्दा  
हेरा पुर जेडा  इस टोपी जो लांदा  
तेजो न भुन्दी  बाकफिता  री  लोड
सो देशा  ,विदेशा  मा  हिमाचली कहलंदा 


milap singh bharmouri